In Septembermaat maken wi uns egen Triathlon un laden daarto ok noch Gasten in. So kwammen wi up sowat an 50 Deelnehmers, waarvan ruugweg 10 Kinner weren.

Nadeem wi in verleden Jahr, sees Steken anboden haaren, wat uns Teidnehmermannskupp in Sweet brocht heet, sünd wir nu weer up 3 Streken gaan. För de Kinner gaff dat een Mini-Duathlon, waar se anto 100 m swemmen un um Kieskuhl umlopen mussen. Dat Jungvolk un de Groten kunnen sük in een Sprintdistanz (750 m swemmen, 20 km fietsen un 5 km lopen) un de olympische Distanz (1,5 km, 40 km, 10 km)  enkelt of at Koppel von twee of dree Lüü tegennanner meten.  

De hibbelige Nawass weer toeerst an´t Rieg und unner Handjeklappen un anfüren van de Ollern, Tokiekers un de groten Sportler, sprungen se mit Anloop in´t Water. Na un na kwemen de Lüttjen to Kieskuhl ut um hör Loopschoh antotreken un de 1 km torügg tolegen.  

Wat Michael Buffer in´t Ring bi´t Boxen is, is Werner “Sorry” Ihlow at Startspreker bi uns. He heet mit sien luden Stimm de  Start van uns „gigantische“ Wettstried ankünnigt un up sien Kummando sünd de Sportler up de verscheden Swemmstrecken gaan. De Sprinter sünd eenmal hen un her swumen, de Olympischen mussen twee Runnen  mit een lüttjen Landgang nakomen.  

Ok wenn bietje mehr at anners up Straat los was at an de anner Jahren, wiel wi för´t eerst Mal up een Saterdag uns Veranstalten dörföhrt hebben, is dat Radfahren wunnerbaar oflopen.

De 1,7 km langen Loopstreek, de 3 of 6 maal ti berieten was, weer good markeert so dat keeneen sük verlopen heet.

Up de Sprintstreck harr Christina bi de Froolüü un Teo bi de Keerls de Nöös vörn und up de olympische Distanz heet Matthias nix anbrannen laten. Anna ut Hannover kunn sük li de lang Streek dörsetten.

Achteran wurr bi Tee, Koffje ,Koken un Kokjes de Veranstalten utklingen laten. All Deelnehmers kregen noch een Urkunn un för de Kinner gaff dat butendeem noch een Medallje daarto.