Vereenstriathlon: Nu is uns Triathlonsaison to Enn

Bericht vom 17.09.2019 (Günther Oldendorf)
Nu kummt de Neoprenanzug in´t Schapp un de Tiedfahrraden bit in`t Vörjahr up´t Böhn

[Bericht: Gerd "Cox" Wolken]

(Free na dat Richtwoord "Septembermaant is Plattdüütskmaant")

 

För uns gung Sönndag de Triathlonsaison to Enn


Nu kummt de Neoprenanzug in´t Schapp un de Tiedfahrraden bit in`t Vörjahr up´t Böhn

.
Nu waar dat mit Macht up de Harvst togeiht, is de Tied bold vörbi dat man in buten swemmen kann. Un so hebben wi uns in Groodheid an`t Kieselbucht drapen um de Saison mitnanner utklingen to laten.


De Streek hett Cox utarbeid un för de Köst hett elk un een bietje wat mitbrocht. Brigitte haar dat organiseren so as smalls in Hannen nohmen, um to regeln, dat van all Sorten Kook und genoog Tee un Koffje daar weer.


De Deelnehmers kunnen sük utsöken, of se alleen of as Staffel an´t Start gahn wullen un ok de Streckenlängde weer free to wählen. Dat Swemmen gung dwars dör de Kieskuhl un wurr een, twee of dreemal swommen. De Radstreek föhrde toeerst na Coldinne, van dor an in´t Runn över Kamper, Nenndörp, Eversmeer, torügg na Coldinne. De weer twee of dreemal to umfahren um naast weer Richtung Groodheid to fahren. Loopen wurr um´t Kieskuhl un bi een Streckenlängde van 1,7 Kilometer gung dat dor bit to sess Mal in´t Kring.


Fiev Starter gungen elk för sük an´t Wark un wi harren ok fiev Staffeln de sük tegennanner meten wullen. Tegen eben na halv negen, as sük all Swemmer in dat 17.5 Graad warm Water begeven harren, wurr tosamen van Teihn andaal teelt un de Weddstried gung los. Na un na kwemmen de Athleten to Kiessee ut un denn gung dat mit mehr of minner Streevske up´t Rad över twintig of veertig Kilometer middendör de Boßelkoppeln de up´t straat togang wassen. De stieve Wind haar dat in sük un de meesten weren blied dat se an hör Lopper övergeven kunnen of blot noch loppen mussen. Dat gung eng her be de Weddstried, wat aver neet in´t Vörn stun, van Bedüdden weer dat mitnanner un dat Pläseer.


Achteran weren wi uns all eenig, dat maken wi anner Jahr nettso.

Bilder zum Bericht:


 


 


 


 


 


 


 


 


 


 


 


 

Aktuelle Termine:

Lauftreff:
01.04.2024, 10:15 - 01.04.2024, 11:00:
27. Störtebeker Straßenlauf 01.04.2024

Triathlon:
07.04.2024, 09:30:
Crossduathlon