4. Kanalswemmen van´t Nörder Turnvereen

Bericht vom 15.09.2019 (Günther Oldendorf)
Ut een Snapsidee wurr een Geheemtip...

[Bericht: Gerd "Cox" Wolken]

(Free na dat Richtwoord "Septembermaant is Plattdüütskmaant")


An Sönndag de 01.09. 2019 gung dat för ruugweg dartig Swemmer in`t Nörder Deep över Streken van een bit fiev Kilometer Längde.


De Veranstalten heet sük all bit wiet över uns Kuntrei rumproot, un so weer dat neet verwunnerlich, dat fiev Athleten ut Ollenbörg daarbi wassen. Ok de beid Üppersten  van` t Triathlon Club „1. TCO Die Bären“ weren eerstmalig mit daarbi un wulln sük mit Triathleten ut heel Oostfreesland meten. De sünd ut Auerk, Esens, Haag , Wirdum un dat versteiht sük van sülst, ok ut Nörden binanner kamen.


Vördeem dat dat losgaan kunn, mussen wi noch en bült Anstalten maken. Van´t utarbeiden van de Swemmstreken, över Urkunn klaarmaken, Helpers mit Bootjes finnen oder dat uptafeln van Koffje un Kook.


Een Stünn vördeem de Startschuss fallen sull, wurren de Bojen up hör Positionen brocht, wo de Swemmers sük an torechtfinnen kunnen. Daar gellt uns Dank de Bootjefahrer ut Auerk, de för uns de Streek ofstekt hebben, wat neet so eenfach weest ist, un be Begünn för een bietje Unruh sörgt hett.


Tegen half Teihn hett uns Ofdelenbaas Günther de Start freegeven un de Swemmers gungen unner Uppass van Bootsbegleiden toerst een Enn to Polder herin um na 500 Meter een Kehr in Richtung Nörder Deep to maken. In´t Kanal weren all 500 Meter Bojen in verscheden Klöör utsett, daaran kunnen de Sportler utmaken, wo wiet se all swummen wassen. De achterste Boje weer eevkes vör de Kurbelpünt sett, van dor ut gung dat weer 2,5 Kilometer sülvig Streek torügg.


Nadeem all Swemmers gesund un munter to´t Water kamen sünd, gaff dat lecker Kook, Tee un Koffje, noch de een ok anner Prootje. An´d End hett elk Deelnehmer noch Knibbel Schokolaa un sien Urkunn kregen.


Be uns Verstalten sünd dör Startgeld un Spenden över 300 € för uns Nawassofdelen binanner kamen.

Weest all bedankt för jo Mitdoon und bit anner Johr.

 

Bilder zum Bericht:


 


 


 


 


 


 


 


 


 


 


 


 


 


 


 


 


 


 


 


 


 

Aktuelle Termine:

Lauftreff:
01.04.2024, 10:15 - 01.04.2024, 11:00:
27. Störtebeker Straßenlauf 01.04.2024

Triathlon:
07.04.2024, 09:30:
Crossduathlon